സ്വപ്ന സുരേഷിന്റെ വെളിപ്പെടുത്തലുകൾക്ക് പിന്നാലെ പുതിയ രാഷ്ട്രീയ നീക്കവുമായി രംഗത്ത്

പാലക്കാട്: മുൻ മുഖ്യമന്ത്രിയും ഇപ്പോഴത്തെ പ്രതിപക്ഷ നേതാവുമായ പിണറായി വിജയനെതിരെ ഗുരുതരമായ ആരോപണങ്ങളുമായി സ്വർണക്കടത്ത് കേസ് പ്രതി സ്വപ്ന സുരേഷ്. തന്റെ ജീവിതം തകർത്തത് പിണറായി വിജയനാണെന്നും, തനിക്കെതിരെയുള്ള വ്യാജ കേസുകൾ ഒഴിവാക്കുന്നതിനായി കേരളത്തിന്റെ ഇപ്പോഴത്തെ മുഖ്യമന്ത്രിയായ വി.ഡി. സതീശനെ താൻ കാണുമെന്നും അവർ മാധ്യമങ്ങളോട് വ്യക്തമാക്കി. പാലക്കാട് നടത്തിയ വാർത്താസമ്മേളനത്തിലാണ് സ്വപ്ന സുരേഷ് നിലപാട് വ്യക്തമാക്കിയത്.

തനിക്കെതിരെ എടുത്തത് വ്യാജ കേസുകളാണെന്നും ഫോൺ പിടിച്ചുവെച്ച് രേഖകൾ വളച്ചൊടിക്കുകയായിരുന്നുവെന്നും അവർ ആരോപിച്ചു. പിണറായി വിജയനെതിരെ നിയമപോരാട്ടം തുടരുമെന്നും ഒരുതരത്തിലുള്ള വിട്ടുവീഴ്ചയ്ക്കും തയ്യാറല്ലെന്നും സ്വപ്ന കൂട്ടിച്ചേർത്തു. സത്യം വിളിച്ചുപറഞ്ഞതിന്റെ പേരിലാണ് സംസ്ഥാനത്തുടനീളമുള്ള കോടതികളിൽ ഓടിച്ചെല്ലേണ്ടി വരുന്നതെന്നും മുൻ പിണറായി സർക്കാരിന്റെ കാലത്താണ് തന്റെ ജീവിതം തകർന്നതെന്നും അവർ കുറ്റപ്പെടുത്തി.  

തനിക്കെതിരെയുള്ള വ്യാജ കേസുകൾ ഒഴിവാക്കാൻ സഹായിക്കണമെന്നും കേരളത്തിൽ സമാധാനത്തോടെ ജീവിക്കാൻ അവസരമൊരുക്കണമെന്നും ആവശ്യപ്പെട്ടുകൊണ്ട് ഇപ്പോഴത്തെ മുഖ്യമന്ത്രിയായ വി ഡി സതീശനെ നേരിട്ട് കാണും എന്നാണ് സ്വപ്ന സുരേഷിന്റെ നിലപാട്. 

​കുടുംബത്തിനെതിരെയുള്ള ആരോപണങ്ങൾ

​മുഖ്യമന്ത്രിക്കും കുടുംബത്തിനുമെതിരെ കടുത്ത ആരോപണങ്ങളാണ് സ്വപ്ന ഉന്നയിച്ചിരിക്കുന്നത്. പിണറായി വിജയനും കുടുംബത്തിനും അമേരിക്കയിലും യു.ഇ.എയിലും ബിസിനസ് സംരംഭങ്ങളുണ്ടെന്നും ചികിത്സയ്ക്കെന്ന പേരിലുള്ള വിദേശയാത്രകൾ ഇതിനുവേണ്ടി മാത്രമാണെന്നും അവർ ആരോപിച്ചു. പിണറായി വിജയനേക്കാൾ ശക്ത ഭാര്യയാണെന്നും എല്ലാ വിദേശയാത്രകളിലും അവർ ഒപ്പം പോകുന്നത് അതുകൊണ്ടാണെന്നും സ്വപ്ന പറഞ്ഞു.  

​മുൻ മുഖ്യമന്ത്രിയും ഇപ്പോഴത്തെ പ്രതിപക്ഷ നേതാവുമായ പിണറായി വിജയന്  തന്ത്രങ്ങൾ മെനയാനുള്ള സമയമോ ബുദ്ധിയോ ഇല്ലെന്നും, കുടുംബത്തിൽ മകന് യാതൊരു പ്രാധാന്യവുമില്ലെന്നും മകൾക്കും പേരക്കുട്ടിയ്ക്കുമാണ് മുൻഗണനയെന്നും സ്വപ്ന സുരേഷ് മാധ്യമങ്ങളോട് അവകാശപ്പെട്ടു.  

രാഷ്ട്രീയ കേരളത്തിൽ വലിയ ചർച്ചകൾക്ക് വഴിവെക്കുന്നതാണ് സ്വപ്ന സുരേഷിന്റെ ഈ പുതിയ വെളിപ്പെടുത്തലുകൾ. വാർത്തയുടെ നിജസ്ഥിതി  സംബന്ധിച്ച് കൂടുതൽ ഔദ്യോഗിക വിവരങ്ങൾ പുറത്തുവരേണ്ടതുണ്ട്.

#SocialHighlightHotNewsKollam #SwapnaSuresh #PinarayiVijayan #KeralaPolitics #PalakkadNews #PoliticalNews #KeralaNews